Deputeti i Aleancës për Ardhmërinë e Kosovës, Gazmend Abrashi, u ka reaguar ashpër deputetëve të opozitës, të cilët për herë të gjashtë nuk votuan pro Projektligjit për Rimëkëmbjen ekonomike.
Në një shkrim të tij në Facebook, Abrashi, thotë se ky veprim i opozitës është papërgjegjshmëri, pasi që pakoja e Rimëkëmbjes do të duhej të jetë prioritet për të gjithë. Ai shton se sipas raportit të Bankës Botërore do të kemi tkurrje ekonomike prej 8.8% dhe kjo kërkon masa efektive që të ruajmë vendet e punës dhe stabilitetin ekonomik.
Shkrimi i plotë nga deputeti Abrashi:
Lajm dëshpërues nga Kuvendi i Kosovës!Nuk u votua Projektligji për Rimëkëmbjen ekonomike që hap rrugë për implementimin e Pakos së Rimëkëmbjes për ekonominë e vendit.
Një papërgjegjësi e deputetëve të opozitës që edhe në këtë rast po i vendosin në prioritet agjendat e tyre politike, duke anashkaluar situatën e rëndë ekonomike, posaqërisht në sektorin privat i cili po ballafaqohet me mbijetesën.Masat për luftimin e Pandemisë Covid-19 kanë shkaktuar dëme të mëdha në ekonominë e vendit. Sipas raportit të Bankës Botërore do të kemi tkurrje ekonomike prej 8.8% dhe kjo kërkon masa efektive që të ruajmë vendet e punës dhe stabilitetin ekonomik. Pakoja e Rimëkëmbjes do të duhej të jetë prioritet për të gjithë!Ka vend dhe hapësirë për politikë në sfera tjera!Shëndet?
