Kryetari i ri i Lidhjes Demokratike të Kosovës, Lumir Abdixhiku ka mohuar zërat që ish-kryetari i kësaj partie, Isa Mustafa ka pasur intencë që të ndikojë në Kuvendin zgjedhor të 14 marsit.
“Mustafa ka thënë atë ditë dorëheqje, ka përmbyll një kapitull, nuk ka pasur intencë të ndikojë brenda Kuvendit. Ajo çfarë ka bërë Mustafa është që të organizojë Kuvendin sepse ajo i ka takuar”, ka deklaruar Abdixhiku, në T7, shkruan Front Online.
Ndërsa, ka folur edhe njëherë për rrëzimin e Qeverisë Kurti, duke thënë se ka qenë gabim strategjik i LDK-së.
“Ka qenë gabim strategjik i LDK-së por edhe gabim i kohës sepse në pandemi në atë gjendje, ndonëse nuk kishte më vend për bashkëpunim.
“Nuk kishte nevojë që të rrëzonim qeveri. Alternativa më e mirë do të ishte ose të tërhiqemi ose ta lëm të vazhdojmë. Qytetarët nuk na e kanë fal këtë moment. Për 12 muaj njerëzit na janë përgjysmuar”, ka thënë ai./Front Online/