Ish-presidenti i Kosovës, Fatmir Sejdiu, duke komentuar rezultatin e kësaj partie në zgjedhjet e fundit, ka thënë se është i gatshëm për të marrë timonin e partisë.
Ai ka thënë se së pari në këtë parti duhet të ndryshohet statuti i partisë, për t’u mundësuar pretendentëve që të marrin pjesë në garë.
“Pjesën formale LDK-ja s’e ka bërë në zgjedhejt e statutit. Pa u ndryshuar ky statut, për mundësinë e kandidatëve që të ketë më tepër kandidatë. Nuk e di a do të jem kandidat. Në këtë proces jamë shumë i gatshëm për të marrë drejtimin. Pra jam i gatshëm edhe në këtë proces zgjedhor”, është shprehur ai.
Sejdiu ka thënë se e ka paralajmëruar rënien e LDK-së prej vitit 2010. Ai thotë se është i dëshpëruar me qëndrimet e strukturave tërë këtë kohë.