Nënkryetari i PDK-së, Bedri Hamza, në pyetjen e gazetarëve se a do t’i përgjigjet PDK ndonjë ftese nga Presidenca dhe Qeveria për dialogun, tha se presin se si do të veprojnë këto dy institucione.
Por Hamza tha se opozita, ashtu si Qeveria dhe Presidenca, i ka të ndara përgjegjësitë e veta sipas ligjeve dhe Kushtetutës.
“Secili institucion ka përgjegjësitë e veta, qeveria ka përgjegjësitë e veta sipas ligjit dhe Kushtetutes, Presidentja poashtu, edhe opozita, prandaj secili duhet t’I kryejë përgjegjësitë e veta me ligj dhe Kushtetutë. Nuk mund të flasim për situatë hipotetike. Presim se si do të veprojnë presidenca dhe qeveria dhe pastaj mund të flasim për këto tema”, tha Hamza në një konferencë për media, ku ka kritikuar Qeverinë Kurti se nuk po iu del në ndihmë bizneseve përkundër vendimit për mbyllje./Front Online/