Sekretarja e Përgjithshme e OSBE-së, Helga Maria Schmid, mbërrin nesër në Tiranë për takime me zyrtarë të lartë, stafin e Prezencës së OSBE-së dhe aktorë të tjerë në Shqipëri.
Klotilda SaraciniSekretarja e Përgjithshme do të takohet me Presidentin Bajram Begaj, Kryeministrin Edi Rama, ministren për Evropën dhe Punët e Jashtme, Olta Xhaçka dhe me Kryetaren e Kuvendit, Lindita Nikolla.
Gjithashtu, ajo do të ketë një takim me deputetë, përfshirë përfaqësuese të Aleancës së Grave Deputete, si edhe me përfaqësues të shoqërisë civile.
Schmid do të takohet me Kryetarin e Prezencës së OSBE-së në Shqipëri, Guido De Sanctis dhe ekipin e tij.
Sekretarja e Përgjithshme, Schmid dhe ministrja për Evropën dhe Punët e Jashtme, Xhaçka do të japin nesër një deklaratë për mediet, në mjediset e Ministrisë për Evropën dhe Punët e Jashtme./Atsh
