Bashkimi i Sindikatave të Pavarura të Kosovës ka vendosur që ta pezullojë grevën deri në janar të vitit 2023
Këtë e ka bërë të ditur, Rrahman Jasharaj, kryetar i Këshillit Grevist të BSPK-së, raporton Front Online.
“Ne kemi pyetur anëtarësinë dhe jemi të detyruar të veprojmë çka thotë shumica”, ka thënë Jasharaj.
“Qeveria dhe opinioni le ta dijë se greva nuk po mbyllet, por po pezullohet deri në janar të vitit 2023”, ka shtuar Jashari.
“Ajo që dua të them është se me kënaqsi e respekt po iu drejtohem grevistëve. Mundësia e vetme na kishte mbetur greva e përgjithshme. Duke respektuar zërin e anëtarësisë greva filloi me 25 gusht. Qeveria në vend se të dërgojë optimizëm, reagoi me fyerje. Falendëroj prindërit dhe qytetarët që dhanë vlerësime për grevën. Ata që na fyen dhe linquan le të mbetet në fytyrën e tyre. Uroj që qeveria të nxjerr mësime nga kjo grevë. Si Këshill Grevist i BSPK-së, SBASHK-ut dhe administratës jemi të obliguar të veprojmë sipas vullnetit të shumicës”, ka thënë Jashraj.
Kurse, kryetari i BSPK-së, Atdhe Hykolli, ka thënë se greva ka qenë e ligjshme.
“Greva ka qenë e ligjshme nevojshme dhe ishte detyrim sindikal dhe u përdor si mjet i fundit në raport me mjetin social me Qeverinë”, ka thënë ai, raporton Front Online./Front Online
