Interesimi i qytetarëve për t’u pajisur me bileta për ndeshjen e sotme Prishtina – Drita duket i jashtëzakonshëm.

Biletat e ndeshjes dolën në shitje sot (28 shtator), ditën e ndeshjes dhe po shiten në të gjitha hyrjet e stadiumit “Fadil Vokrri”.

Ndeshja Prishtina – Drita zhvillohet nga ora 19:00.

Prishtina edhe kësaj radhe ka menduar për tifozët e saj “Plisat” duke i lëshuar biletat falas në pjesën jugore të stadiumit.

Çmimet do jenë simbolike edhe për lindje (dy euro) kurse çmimet për perëndim janë tre euro.

Tifozët mysafirë do të vendosen në pjesën veriore derisa çmimi i biletave në këtë sektor do jetë dy euro.

Ndryshe, biletat për tribunën VIP kushtojnë 15 euro e në biletë janë të përfshira ushqimi dhe pijet./FrontOnline/