Kim Kardashian mundi ish-sekretaren amerikane të shtetit Hillary Clinton në një kuiz të njohurive juridike. Revista ‘People’ shkruan se ylli i reality TV u përball me një avokat që studioi drejtësi në Yale në një test njohurish juridike. Beteja mes dy femrave të famshme dhe rezultatet zbulohen në emisionin e ri të Clinton, Gutsy, i cili do të publikohet në Apple TV+ muajin e ardhshëm.

Ndërsa mund të ketë qenë mjaft sfidë për Kim-in të konkurrojë kundër Hillary-t, e cila ishte partnerja e parë në firmën ligjore Rose Arkansas përpara se të bëhej Zonjë e Parë, ylli i realitetit përfundoi duke e mposhtur atë 11-4. Kim dhe Hillary u morën në pyetje për gjithçka, nga përdorimi i forcës vdekjeprurëse dhe grabitja e armatosur deri tek kur lejohet vetëmbrojtja.

Vajza e Clinton, Chelsea, sugjeroi në program se Kim mund të kishte një avantazh të padrejtë, sepse ajo kohët e fundit studioi dhe kaloi “baby bar”, një provim studentor i vitit të parë të drejtësisë që kërkohet për avokatët e mundshëm në Kaliforni të cilët nuk ndjekin studimet e akredituara pas shkollimit të mesëm, ndërsa nëna e saj prej vitesh nuk ushtronte profesionin e avokatit.

Kim dhe Hilary diskutuan reformën e ligjit të burgjeve

Hillary tha se humbja ishte “zemërthyese”. Ajo gjithashtu tregoi se kur Kim ishte e ftuar në emisionin e saj, ata më së shumti flisnin për punën e saj në reformën e burgjeve.

“Ne nuk e intervistuam atë për modën dhe jetën e saj personale. Ne e intervistuam atë për atë që ajo po bënte për t’u dhënë njerëzve që janë të burgosur padrejtësisht një shans të dytë”, tha Hillary, sipas Ladbible.

“Ajo është shumë e vetëdijshme se si një personazh i famshëm mund të bëjë një ndryshim pozitiv dhe negativ. Ajo kurrë nuk dëshiron të bëjë një ndryshim negativ, kështu që fakti që ishte e matur dhe e menduar se kur, ku dhe si të angazhohej ishte me të vërtetë. mbresëlënëse për ne. Uroj që, edhe jashtë kësaj serie, të bëj gjithçka që mundem për ta ndihmuar atë në atë biznes”, tha Chelsea.

Në vitin 2018, Kim filloi punën e saj duke ndihmuar në lirimin e Alice Marie Johnson, e cila u dënua me burgim të përjetshëm për akuzat për posedim droge, sipas CBS News. Në maj të atij viti, Kim u takua me Presidentin e atëhershëm Donald Trump në Zyrën Ovale për të diskutuar faljen e saj. Një muaj më vonë, Alice u lirua pasi kreu 21 vjet pas hekurave./FrontOnline/