×
  • Vip
  • Vip

    “Fama është burg”, Beyonce si rrallëherë flet për jetën e saj

    FrontOnline
    11 Shtator 2024

    Nuk është gjithnjë e lehtë të jesh Beyoncé.

    Në një intervistë me GQ Magazine për të promovuar linjën e saj të uiskit, 43-vjeçarja u pyet nëse reputacioni si “perfeksioniste” është “barrë” për të.

    “Unë krijoj me ritmin tim, gjëra që shpresoj se do të prekin njerëz të tjerë. Shpresoj që puna ime t’i inkurajojë njerëzit të shohin brenda vetes dhe të pranojnë krijimtarinë, forcën dhe pathyeshmërinë e tyre. Unë përqendrohem te rrëfimi, rritja dhe cilësia. Nuk jam e fokusuar te përsosmëria. Fokusohem te evolucioni, inovacioni dhe ndërrimi i perceptimit”, tha Beyoncé.

    Fituesja e 32 çmimeve Grammy vijoi duke thënë se: “Të punuarit për ‘Cowboy Carter’ dhe publikimi i këtij projekti të ri nuk kishte as ndjesinë e një burgu, as të një barre. Në fakt, unë punoj vetëm për gjëra që më çlirojnë”.

    “Është fama ajo që ndonjëherë duket si burg. Ndaj, kur s’më shihni në tapetin e kuq dhe kur zhdukem derisa kam artin tim për të ndarë, kjo është arsyeja”.

    Këngëtarja njihet për mënyrën sesi e ruan hermetikisht jetën e saj private, jep shumë pak intervista dhe shfaqet rrallë në tapetin e kuq. Beyoncé i tha GQ se pavarësisht se është një nga njerëzit më të famshëm në botë, përpiqet të bëjë një jetë normale me familjen.

    “Një nga gjërat për të cilat jam përpjekur shumë është që fëmijët e mi të kenë sa më shumë normalitet dhe privatësi të jetë e mundur, duke u siguruar që jeta ime personale nuk kthehet në një markë”, tha superylli i muzikës. “Është shumë e lehtë për të famshmit që ta kthejnë jetën në art performativ. Kam bërë përpjekje të jashtëzakonshme për t’u qëndruar kufijve të mi dhe të mbroj veten e familjen time. Asnjë shifër parash s’e paguan paqen time”, shtoi ajo.

    Në fillim të intervistës, Beyoncé përshkroi sesi e kalon ditën: “Zakonisht përpiqem të zgjohem në 6 të mëngjesit, punoj një ose dy orë përpara se të zgjohen të vegjlit. Bëj prindin teksa punoj, eci përpara duke përqafuar bukurinë dhe rrëmujën e së gjithës”.

    “Shtëpia jonë është e mbushur me të afërm dhe miq, shfaqje spontane talenti dhe tringëllimën e dominove. Jam përpjekur t’i prkushtohem shëndetit, të pi suplemente dhe të ha pastër. Kam hequr dorë nga mishi, veç gjelit të detit, këtë verë. Po përpiqem të gjej forcën për t’u ushtruar, por thjesht sot s’e bëj dot. Ndoshta nesër”, përfundon ajo, shkruan tv.klan.

    Beyoncé dhe partneri i saj, Jay-Z kanë tre fëmijë: Blue Ivy, 12 vjeçe dhe binjakët Rumi e Sir, 7 vjeç./Kosovarja

    Nga Rubrika
    Vip18 Korrik 2025
    Grimerja e njohur Sellma Kasumoviq ka publikuar një video të prapaskenave në përgatitjen e Eglit për koncertin e saj të parë. Video...
    Vip18 Korrik 2025
    Këngëtari i njohur shqiptar, Butrint Imeri, ka paralajmëruar një këngë të re që do të publikohet sonte në ora 19:00. Me këtë...
    Vip18 Korrik 2025
    Flaka Krelani ka tërhequr vëmendjen në Instagram me disa foto të reja, ku shfaqet më stil dhe më artistike se kurrë. Me...
    Të tjera
    Bota/Rajoni18 Korrik 2025
    E dërguara speciale e Mbretërisë së Bashkuar për Ballkanin Perëndimor Karen Pirs, ka dhënë komentet e saj për marrëveshjen e Ohrit mes...
    Bota/Rajoni18 Korrik 2025
    Zëdhënësi për politikë të jashtme i Social Demokratëve në Gjermani (SPD), Addis Ahmetovic, ka kërkuar nga vendi i tij që ta dyfishojë...
    Bota/Rajoni18 Korrik 2025
    Një ngjarje e rëndë ka ndodhur pasditen e sotme në fshatin Labinot-Fushë të Elbasanit, ku dy të mitur janë mbytur në lumin...
    Lajme18 Korrik 2025
    Kryetari i Komunës së Dragashit, Bexhet Xheladini, ka reaguar me dhimbje pas lajmit për vdekjen aksidentale të Dursim Ademit. Në rrjetin e...
    Bota/Rajoni18 Korrik 2025
    Sllovenia miratoi të premten një ligj që lejon vdekjen me asistencë, duke u bashkuar me një numër gjithnjë e në rritje të...
    Lajme18 Korrik 2025
    Me nga 1 vit burg u dënuan 10 prej të akuzuarve në rastin ‘Veteranët’. Në mesin e të dënuarve edhe Agim Çeku,...

    FrontOnline, © 2025 Të gjitha të drejtat e rezervuara.