Policia e Kosovës ka arrestuar dje në Vushtrri një person të dyshuar.
Personit të dyshuar me inicialet H.Ç., 21 vjeçar i është gjetur një armë në brez.
I njëjti pas arrestimit është intervistuar dhe pasi që është kontaktuar prokurori kujdestar është liruar në procedurë të rregullt.
Ndërsa, ndaj tij është iniciuar rasti për veprën penale ‘’Mbajtje në pronësi, kontroll apo në posedim të paautorizuar të armëve”.
Njoftimi i policisë:
Policia në Vushtrri arreston një person i cili po barte armë në brez
Vushtrri. 22 Gusht 2022
Dje me datë 22.08.2022, në orët e pasdites gjatë patrullimit në terren, një njësi policore kishte vërejtur një person për të cilin kishin dyshuar se po mbante një armë në brez, policia menjëherë kishte reaguar, duke ndaluar personin dhe pas kontrollit i kishte gjetur armën në brez, për të cilën personi në fjalë nuk posedonte leje.
Personi i dyshuar H.Ç., 21 vjeçar është arrestuar dhe është shoqëruar në Stacionin Policor. Arma e llojit pistoletë, një karikator dhe tre fishek janë sekuestruar nga policia në cilësi të provave materiale.
Personi i dyshuar në fjalë është intervistuar dhe pasi që është kontaktuar prokurori kujdestar është liruar në procedure te rregullt, ndërsa ndaj tij është iniciuar rasti për veprën penale ‘’Mbajtje në pronësi, kontroll apo në posedim të paautorizuar të armëve”.
