Kryetari i KOK-ut, Ismet Krasniqi, ka pritur garuesin më të mirë të Federatës së Arteve Mikse Marciale të Kosovës, Arlind Berisha.

Berisha vitin e kaluar ka fituar medaljen e artë në Kupën e Botës për U-23 në artet mikse marciale (MMA), që u mbajt në Pragë të Republikës së Çekisë. Sukseset nuk i kanë munguar as në garat tjera. Ai është rritur dhe zhvilluar si sportiest në Norvegji, ndërsa ka vendosur të përfaqësojë Kosovën në garat ndërkombëtare.

Krasniqi përgëzoi Berishën dhe trajnerin e tij, prindin Daut Berisha, për sukseset e arritura, derisa i ofroi mbështetje për të vazhduar rrugën e tij drejt përfaqësimit sa më të mirë të vendit tonë në garat ndërkombëtare.

Berisha u shpreh falënderues për mikpritjen, duke shtuar se do të mundohet që edhe në garat e ardhshme të arrijë suksese dhe të ngjitet në podium./FrontOnline/