Mesfushori i mirënjohur, Kushtrim Gashi sot e zyrtarizoi përfundimin e aventurës trevjeçare te Ballkani, raporton FrontOnline.

Gashi nëpërmjet llogarisë së tij në “Facebook” falënderoi presidentin Arsim Kabashin dhe njëherit i kërkoi falje për situatën e krijuar para ndeshjeve të garave evropiane për përplasjen verbale që kishte me trajnerin Ilir Daja.

“Të dashur qytetarë të Suharekës dhe ju tifozë të klubit FC Ballkani  desha të ju njoftoj se nga sot jam lojtar i lirë”, shkroi ndër tjerash Gashi.

29-vjeçari karrierën do ta vazhdojë nën urdhrat e trajnerit Ismet Munishi te klubi i Prishtinës, mëson FrontOnline nga burime brenda klubit kryeqytetas.

Tashmë, marrëveshja mes palëve është mbyllur dhe se portali ka siguruar pamje të futbollistit nga ambientet e klubit.

“Daja”, siç njihet në opinion, është njëri ndër mesfushorët më të mirë në vitet e fundit derisa kontrata me Prishtinën e lidh për dy vitet e ardhshme./FrontOnline/