Maye Musk u shpall së fundmi gruaja më e vjetër që në moshën 74-vjeçare ka pozuar në rroba banje për ballinën “Sports Illustrated”.
Ajo është modele prej 50 vjetësh dhe gjithashtu është dietologe dhe nutricioniste e licencuar me dy diploma magjistrature për dietologji.
Ka shkruar një libër rreth plakjes me titull “Gruaja bën planin: këshilla për aventurë, bukuri dhe sukses gjatë gjithë jetës” dhe është botuar në ballina të shumë revistave.
Pra, çfarë ha çdo ditë kjo grua inteligjente, e vendosur dhe mahnitëse që po vazhdon të mahnitë botën në moshën 74-vjeçare?
Ja një vështrim në dietën e vërtetë të Maye Musk-ut dhe këshillat e saj më të mira për një mënyrë jetese të shëndetshme.
Para së gjithash, ajo ha për energji.
Maye nuk beson në anashkalimin e vakteve, sepse anashkalimi çon në një rënie të energjisë.
– Hani rregullisht, planifikoni vaktet tuaja dhe mos hani ushqim të shpejtë – ka thënë ajo në një intervistë.
Veç kësaj, ajo është një përkrahëse e madhe e planifikimit të vakteve – unë kisha një praktikë për 45 vjet – shihja njerëz gjatë gjithë kohës. Dhe i binda të planifikonin vaktet e tyre. Sepse nëse nuk planifikon, suksesi mungon.
Për mëngjes ha bukë, vezë, domate dhe kërpudha
– E dua bukën, është një nga ushqimet e mia të preferuara – ka treguar ajo për Harper’s BAZAAR. Ajo pëlqen bukën e bërë në shtëpi me grurë integral me pak gjalpë dhe vezë të fërguara, domate dhe kërpudha.
Nuk e anashkaloj kurrë mëngjesin, sepse zakonisht jam e uritur deri në orën 10 dhe do të ha gjithçka që kam në sy – thotë ajo.
Ajo rekomandon të hani më pak në darkë në mënyrë që të jeni të uritur në mëngjes.
Sallatë për drekë
Dreka zakonisht është një sallatë e mbushur me perime të ndryshme, thotë ajo në video. Sallata e saj mund të përfshijë marule, karota, qepë, domate, qepë dhe qiqra.
– Më pëlqejnë shumë fasulet dhe bizelet. Është ushqimi im i preferuar – thotë ajo.
Për darkë, ajo ha proteina të payndyrshme dhe perime
Kur del për darkë, zakonisht porosit biftek ose peshk, ndonëse porcionet në restorante janë shumë të mëdha.
– Zakonisht porcionet janë shumë të mëdha, sepse është Amerika, kështu që do të marr dy të tretat me vete në shtëpi dhe pastaj një të tretën të nesërmen. Pastaj përsëri, nuk duhet të gatuaj, por vetëm të përgatis perimet.
Ajo i anashkalon pijet me sheqer
Maye nuk pëlqen pijet e ëmbla sepse nuk kanë fibra dhe as frutat e shtrydhura.
– Le të themi se pi një gotë lëng nga tre portokaj. Nëse do t’ju thoja të hani tre portokaj, do të ngopeshit shumë, por nëse pini një filxhan lëng portokalli, nuk mendoni për kaloritë apo ushqimin – tregon ajo.
