Ballkani ka barazuar në ndeshjen e parë me Zalgirisin, në kuadër të rrethit të parë kualifikues në Ligën e Kampionëve.
Rezultati final ishte 1:1 në stadiumin Fadil Vokrri në Prishtinë, raporton FrontOnline.
Nazmi Gripshi hapi serinë e golave për Ballkanin në minutën e 15-të me një gol të bukur nga krahu.
Dhjetë minuta më vonë Buff barazoi shifrat me një gol të shënuar me kokë.
Ballkani kishte iniciativën gjatë tërë takimit, por nuk ishte e mjaftueshme të marrin rezultat pozitiv.
Ndeshja e kthimit në Lituani zhvillohet pas një jave./FrontOnline/
