Një person është arrestuar pasi derisa sa kishte qenë duke e drejtuar motoçikletën nuk kishte respektuar shenjën e policit për ndalje, por kishte filluar ta rriste shpejtësinë.
Sipas raportit të Policisë së Kosovës, ngjarja ka ndodhur të premten rreth orës 19:33 në rrugën “Robert Doll”, në Prishtinë.
Tutje në raport, bëhet e ditur se gjatë tentimit për t’iu shmangur ndalimit nga policia, i dyshuari kishte hedh disa qese te dyshuara me substancë narkotike dhe pasi rrëzohet nga motoçikleta.
Po ashtu thuhet se edhe pse tenton të ikë në këmbë nga policia, ai arrestohet nga zyrtarët e saj.
“Është arrestuar i dyshuari mashkull kosovar pasi që i njëjti deri sa kishte qenë duke drejtuar motoçikletën nuk kishte respektuar shenjën e policit për ndalje, por kishte filluar ta rriste shpejtësinë. Gjatë tentimit për t’iu shmangur ndalimit nga policia, i dyshuari kishte hedh disa qese te dyshuara me substancë narkotike dhe pasi rrëzohet nga motoçikleta tenton në këmbë për të ikur por arrestohet nga zyrtarët policorë”, thuhet në raport.
Ndërkaq, gjatë kontrollit tek i dyshuari janë gjetur: para të gatshme 425€, një telefon celular dhe 19 qese te mbushura me substancë narkotike te llojit marihuanë me peshë të përgjithshme 34.1 gram.
Pas intervistimit, me urdhër të prokurorit kujdestar, i dyshuari është liruar në procedurë të rregullt./Front Online
