Sot në Podujevë një person ka mbetur i vrarë si pasojë e të shtënave me armë zjarri.

Siç mëson Front Online nga disa burime, dyshimet e para janë se babai ka shtënë mbi të birin e tij, duke e lënë të vdekur.

I dyshuari është vetdorëzuar në stacionin policor të Podujevës.

Motivi mbetet i paqartë.

Rastin për Front Online e ka konfirmuar edhe zëdhënësi i Policisë së Kosovës për rajonin e Prishtinës, Agron Borovci, i cili ka bërë të ditur se rasti ka ndodhur në fshatin Peran.

“Rreth orës 18:00, është raportuar për të shtëna me armë zjarri në fshatin Peran të komunës së Podujevës. Policia ka dalë në vendin e ngjarjes dhe mbështetur në të dhënat e para, bëhet e ditur se një person, ka humbur jetën si pasojë e plagëve të marra nga arma zjarrit. Vdekja e viktimës është konstatuar nga ana e mjekëve emergjent. Policia ka iniciuar një hetim me synim sqarimin e të gjitha rrethanave që karakterizojnë rastin” ka thënë Borovci.