Aleksia Peleshi është e njohur për publikun si ish e dashura e Romeo Veshaj.

Së fundi ajo ka folur edhe publikisht për ndarjen e tyre.

“Bënim plane për martesë në të ardhmen e afërt, më prezantonte si të fejuarën, ka takuar familjen time dhe këto ishin gjërat që më shtynin të kisha siguri dhe të mendoja që unë me këtë njeri i kam gjërat e finalizuara. Sa herë kam pasur probleme apo krisje kam menduar që janë gjëra që çdo çift i kalon. Ama, jam nxituar në këtë konkluzion sepse në fund të fundit unë jam vetëm 20 vjeç. Nuk mund të pretendoj që partneri i parë që kam në jetë do të jetë i fundit, do jetë ideali, shumë larg asaj gjëje, kështu që s’funksionoi, s’funksionoi. Kaq.”, u shpreh vajza e Ministrit Niko Peleshi.

Por, gjurmët e Romeos, Aleksia nuk i ka fshirë ende në një hapësirë tejet private të saj.

Bëhet fjalë për llogarinë që Peleshi ka në ‘Instagram’, përpos asaj publike.

Trendi i dy llogarive është prezent në mesin e fytyrave publike.

Aty, ende janë fotografitë në momente private me Romeon, të shkrepura e të postuara kryesisht gjatë vitit të kaluar.