Sot do të zhvillohet ndeshja e barazhit të Ligës së Parë, mes Lirisë dhe Vushtrrisë.
Kjo ndeshje do të zhvillohet nga ora 15:00 në stadiumin “18 Qershori” në Klinë, shkruan Gazeta Express.
Të dy skuadrat synojnë fitoren sot për të vazhduar kështu rrugën drejt rikthimit në elitën e futbollit kosovar.
Skuadra fituese nga ndeshje e sotme pastaj do të takohet me skuadrën që përfundon si e teta në tabelën e Superligës së Kosovës.
Pas kësaj ndeshje do të mësohet edhe përfundimisht skuadra pjesëmarrëse për sezonin e ardhshëm në kategorinë e parë të futbollit tonë.
Kujtojmë se Liria e mbylli sezonin në pozitën e dytë në Grupin A të Ligës së Parë, kurse Vushtrria u rendit e dyta në Grupin B.