Një person i moshës rreth 50-vjeç është gjetur i gjakosur në fshatin Dobërllukë të Komunës së Vushtrrisë.
Lajmin për FrontOnline e ka konfirmuar zëdhënësi i Policisë për rajonin e Mitrovicës, Ilmi Prekazi.
“Sipas informatës së pranuar nga Policia në fshatin Dobërllukë të Vushtrrisë është një trup i gjakosur i një personi mashkull, i moshës rreth 50 vjeçare”, ka thënë ai për FrontOnline.
Sipas tij njësitë e Policisë dhe emergjenca kanë dalë në vendin e ngjarjes dhe nga kjo e fundit kanë konstatuar se trupi i tij është pa shenja jete.
“Njësitë kompetente të Policisë menjëherë kanë dalë në vendin e ngjarjes e po ashtu edhe emergjenca ka dalë në vendngjarje dhe ka konstatuar se trupi është pa shenja jete. Prokurori ka dalë në vendin e ngjarjes dhe sipas hetimeve fillestare dyshohet për vdekje të dyshimtë mirëpo do të merren të gjitha veprimet hetimore për zbardhjen e plotë të rrethanave të rastit”, ka thënë ai./FrontOnline