B.J është ndaluar sot për 48 orë si i dyshuar për veprën penale ‘Tregtia e ndaluar’.
Policia e Kosovës ka njoftuar se sot rreth orës 15:00, në Mitrovicë është ndaluar një automjet transportues Pick Up, të cilin e drejtonte i dyshuari B.J.
Në automjetin në fjalë ishin duke u transportuar pajisje për ndriçim artificial për të cilat pajisje drejtuesi i automjetit nuk kishte mundësi të prezantonte asnjë dokument të prejardhjes se këtyre pajisjeve.
|Pas intervistimit të të dyshuarit, konfiskimit të provave nga vendi i ngjarjes dhe sigurimit të informacioneve dhe dëshmive tjera të rastit u krijua dyshimi i arsyeshëm se personi (B.J) ka kryer veprën penale “Tregtia e ndaluar” nga neni 299 i kodit penal të RKS-së. Me këtë rast u kontaktua prokurori kujdestar i PTH në Mitrovicë, u njoftua mbi të gjeturat e këtij rasti dhe i njëjti lëshoi Vendim mbi ndalimin 48 orësh për personin e dyshuar, për të vazhduar hetimet e mëtejme lidhur me rastin”, thuhet në komunikatën e PK-së./FrontOnline