Një person ka vdekur pasi ka rënë nga një objekt shumë katësh pasditen e së hënës në Prishtinë.
Kështu është bërë e ditur në raportin-24 orësh të Policisë së Kosovës, duke thënë se trupi i pajetë është dërguar në obduksion.
“Prishtinë, 12:51. Raportohet se viktima mashkull kosovar në rrethana deri më tani të pa njohura ka rënë nga një objekt shumë katesh. Njësitë relevante policore, prokurori i shtetit dhe ekipi i ndihmës së shpejtë kanë dal në vendin e ngjarjes, ku nga mjeku përgjegjës është konstatuar se trupi i viktimës është pa shenja jete. Me urdhër të prokurorit të shtetit trupi i pa jetë i viktimës është dërguar në IML për obduksion, rasti vazhdon të hetohet”, thuhet në komunikatën e Policisë.
