Policia e Kosovës ka ndërhyrë në disa raste brenda 24 orëve të fundit në kuadër të konfiskimit të armëve.

Katër nga këto raste janë regjistruar në Fushë-Kosovë.

Në të shumtën e rasteve policia ka arritur të konfiskojë armë zjarri të llojit pistoletë.

Postimi i plotë:

Rr. Hajrullah Zymi, Fushë Kosovë, 22.03.2022 – 23:00. Është arrestuar i dyshuari mashkull kosovar për shkak se gjatë kontrollit në brez dhe shtëpinë e tij janë gjetur dhe sekuestruar dy pistoleta. Me vendim të prokurorit, i dyshuari pas intervistimit është dërguar në mbajtje.

Rr. Hajrullah Zymi, Fushë Kosovë, 22.03.2022 – 23:30. Është arrestuar i dyshuari mashkull kosovar i mitur pasi që, për të njëjtin njësitet policore kishin siguruar fotografi në të cilat i dyshuari shihej me tri pistoleta të llojeve të ndryshme. I dyshuari gjatë intervistimit ka deklaruar se nga data 24.12.2021 kishte blerë tri armët dhe të njëjtat i kishte shitur. Me vendim të prokurorit i dyshuari pas intervistimit është dërguar në mbajtje.

Fushë Kosovë, 23.03.2022 – 04:00. Njësitet policore kanë shoqëruar në stacion policor të dyshuarin mashkull kosovar pasi që te njëjti janë gjetur dhe sekuestruar dy pistoleta, njëra me gas. Me urdhër të prokurorit i dyshuari pas intervistimit është liruar në procedurë të rregullt.

Fushë Kosovë, 23.03.2022-04:00. Njësitet policore kanë shoqëruar në stacion policor të dyshuarin mashkull kosovar pasi që te njëjti janë gjetur dhe konfiskuar dy pistoleta, njëra me gas. Me urdhër të prokurorit, i dyshuari pas intervistimit është liruar në procedurë të rregullt.