Në shtëpinë e Big Brother gjatë spektaklit të së martës, produksioni ka bërë një lojë për banorët.
Produksioni e befasoi Donaldin, duke ia sjellë vëllain e tij binjak, Romeon.
Por, pas takimit të binjakëve, ishte menduar edhe një lojë për banorët. Vëllezërit ndërruan rrobat dhe në vend të Donaldit, në shtëpi hyri Romeo.
Derisa po komentonin një video, banorët nisën të dyshojnë se në shtëpi nuk ishte Donaldi, por Romeo.
Ishte Einxhel ajo që kishte dyshimet më të mëdha dhe ndërpreu diskutimin rreth videos që po shikonin.
Pasi u kuptua që tashmë në shtëpi kishte hyrë Romeo, banorët e përqafuan dhe diskutonin se ku dallojnë binjakët.
Derisa po përshëndetej me banorët, Romeo i përshpëriti disa fjalë Beatrixës, të dashurës së vëllait të tij.
“Je shumë e mirë, të kam zemër”, i tha Romeo Beatrixës.
Siç duket, Beatrixa u ndje mirë nga fjalët e vëllait të të dashurit.
Ndryshe, Romeo i dha përkrahje vëllait të tij duke i thënë se është shumë mirë brenda shtëpisë dhe krejt çka duhet të bëjë është ta ndjek zemrën e tij.
Kështu, ai la të nënkuptohet se e mbështet lidhjen e Donaldit me Beatrixën.
