Kriza energjetike pushtoi botën dhe së fundmi, ajo po e afekton edhe Kosovën.

Me uljen e temperaturave është rritur kërkesa për shpenzim të lartë të rrymës që për dallim me periudhën e njëjtë të vitit të kaluar është në rritje rekorde prej 21 për qind.

Që kjo shifër të mos ngrihet tutje, KEDS-i ka filluar fushatën vetëdijësuese për kursim të energjisë.

Pajisjet që më së shumti shpenzojnë rrymë janë kryesisht ato pajisje që përdoren për ngrohje.

“Radiatorët dhe kaldaja marrin rreth 75% të shpenzimit të energjisë elektrike dhe bojlerii cili merr pjesë rreth 45% të shpenzimit të energjisë elektrike”, thuhet nga KEDS.

Ky institucion sugjeroi që të evitohet ngrohja me rrymë, si dhe pajisjet që harxhojnë shumë të shfrytëzohen pas orës 22:00.

Edhe qytetarët duket se janë të informuar për pajisjet shtëpiake që po ‘i fryjnë’ faturat, por zor se mund të kursejnë.