Policia e Kosovës ka njoftuar se është arrestuar një person pasi ka sulmuar fizikisht gruan e tij.
Rasti ka ndodhur dje në Prishtinë, rreth orës 11:20, njofton policia.
“Prishtinë, 21.11.2021 – 11:20. Viktima femër kosovare ka raportuar se pas një mosmarrëveshje verbale, është sulmuar fizikisht nga bashkëshorti i saj i dyshuari mashkull kosovar. Palët janë intervistuar dhe me vendim të prokurorit, i dyshuari është arrestuar dhe dërguar në mbajtje”, thuhet në raportin e policisë.