Gjatë kontrollit në shtëpinë e një personi të dyshuar, policia ka gjetur dhe sekuestruar një AK-47, 90 fishekë dhe një thikë.

Rasti ka ndodhur mëngjesin e së mërkurës në fshatin Irzniq të Deçanit, ka bërë të ditur policia.
I dyshuari është arrestuar dhe me vendim të prokurorit është dërguar në mbajtje.

“Fsh. Irzniq, Deçan, 17.11.2021 – 07:30. Është raportuar se gjatë kontrollit në shtëpinë e të dyshuarit mashkull kosovar, i janë gjetur dhe sekuestruar një AK-47 me 90 copë fishekë dhe një thikë. I njëjti është arrestuar dhe me vendim të prokurorit është dërguar në mbajtje”, ka bërë të ditur policia në raportin 24 orësh.