Ish-modelja dhe prezantuesja britanike Kelly Brook 41-vjeçe para disa vitesh mori titullin e gruas më seksi në botë, ndërsa tani me krenari vë në pah kthesat e harlisura që mori bashkë me disa kile më tepër.
Edhe pse disa prej fansave të saj nuk e pëlqejnë ndryshimin, Kelly është absolutisht e kënaqur me trupin e saj dhe është e lumtur të pozojë për fotot që më pas i poston në rrjetet sociale.
Fansat e ish-modeles dhe prezantueses tashmë i kanë bërë të ditur se mendojnë se duhet të punojë me veten dhe se më parë dukej shumë më mirë. Mirëpo, komente të tilla nuk e prekin, sepse rrallë herë i përgjigjet ndonjë provokimi.
“Unë dukem si një 40-vjeçare normale. Nuk do të kem kurrë trupin që kisha kur isha 21, as nuk dua të jem ajo vajzë “, tha Kelly në një rast.
Së fundmi paparacët e kanë kapur teksa shkonte në punë. Ajo pozoi me një buzëqeshje të madhe në fytyrë dhe lumturia e saj sigurisht u sponsorizua nga një pozicion i ri në vendin e punës. Gjegjësisht, Kelly do të jetë drejtuesja e re e programit të mëngjesit në radion “Zemër”.
Së fundmi Kelly ka folur për mënyrën se si ndihet pasi u bë shënjestër e urrejtjeve në rrjetet sociale për shkak të mbipeshës.
Ajo ka komentuar se do të donte të harronte periudhën kur ishte e dobët dhe se nuk dëshiron ta humbasë më atë peshë. “Nuk dua të humbas gjoksin. Nuk më pëlqen të jem e dobët. Kur isha e dobët, ishte më së shumti për shkak të stresit dhe depresionit”, tha hapur Kelly.
Ajo një herë tha se ajo vetë nuk ishte në dijeni të peshës së saj kur filloi të shtohej, kështu që ndërsa të tjerët e vërejtën dhe e ofenduan për këtë në rrjetet sociale, ajo vetë nuk e pa problemin. Sipas saj, arsyeja është se ajo “u përtaci dhe u relaksua”.
Me nxitjen e nënës dhe të dashurit të saj, ajo vendosi që të humbiste disa kilogramë me një dietë të rreptë dhe stërvitje. “Ndihem e kënaqur në trupin tim dhe kjo ka shumë përparësi”, tha ajo në një intervistë dhe pranoi se është bërë më e sigurt, sidomos në shtrat.
Ajo ende nuk shqetësohet për komentet e pakëndshme në rrjetet sociale dhe thotë se është “më e lumtur se kurrë”./FrontOnline/
