Claudia Schiffer iu fut modelimit në moshën 17-vjeçare dhe së fundmi ka kujtuar fillimet e karrierës së saj. Jeta e saj ndryshoi në mënyrë drastike në vitet ’90 pas fushatës “Guess”.  “Ishte në vitin 1987. Po kërceja me miqtë e familjes në një klub nate në Dusseldorf, Gjermani, kur mu afrua një agjente e një agjencie mode”, kujton këto ditë Claudia Schiffer, 51 vjeçe.

Pak muaj më vonë, vajza e atëhershme 17-vjeçare u nis drejt Parisit me foto testuese. Dy vjet më vonë, ajo regjistroi kopertinën e saj të parë për revistën franceze të modës Elle.

“Ishin vite të çmendura. Një përzierje e pabesueshme e modës, muzikës, artit dhe argëtimit që e bëri atë epokë dinamike, emocionuese, kur e pamundura bëhej e mundur”, thotë një nga supermodelet më të famshme. Ajo fitoi famë ndërkombëtare gjatë viteve 1990, duke u shfaqur në një seri reklamash seksi dhe lozonjare për xhinset Guess.

“Kam xhiruar të gjitha qytetet në SHBA për të promovuar xhinset. Një mëngjes dola në ashensor pa grim dhe fsheha fytyrën me flokët e mi dhe një grua më pyeti ‘a je një vajzë e Guess?’. E dija se jeta ime nuk do të përsëritej më, nuk do të jetë njësoj”, thotë Claudia./FrontOnline/