Policia e Kosovës, më saktësisht ajo e Pejës ka arritur që të arrestojë katër persona në lokacione të ndryshme në zonën e Stacionit Policor Pejë, të cilët kërkoheshin për veprat penale, “vjedhje e rëndë” dhe “grabitje”.
Tre persona për veprën “grabitje” janë të dënuar me katër vite burg, ndërsa i dyshuari tjetër për veprën penale “vjedhje”.
Komunikata e plotë:
Policia e Kosovës- Stacioni Policor nё Pejë, me qëllim të realizimit të urdhëresë se Gjykatës Themelore Pejë, ka bërë të ditur se ka arritur që të siguroj informacione mbi vendndodhjen e personave të kërkuar.
Në orët e mëngjesit të datës 29.07.2021, njësitet e Stacionit Policor në Pejë të mbështetura nga Njësiti për reagim të shpejtë (NJRSH), kanë arrestuar katër persona në lokacione të ndryshme në zonën e Stacionit Policor Pejë, të cilët kërkoheshin për veprat penale:
Tre persona të dyshuar për veprën penale “ grabitje” të cilët janë të dënuar me katër (4) vite burg.
Një person i dyshuar për veprën penale “ Vjedhje e rëndë”
Pas arrestimit të dyshuarit për veprën penale “grabitje” janë dërguar në vuajtje të denimit në qendren e paraburgimit në Prishtinë, ndërsa i dyshuari për veprën penale “ vjedhje e rendë” është dërguar ne Prokurorinë themelore në Prishtinë./FrontOnline