Sot ka ndodhur një ngjarje e rëndë në Gjilan, ku një femër dyshohet se i dha fund jetës së saj duke rënë nga kati i pestë i banesës. Bëhet fjalë për Arzie Nuhiun, ish-asambliste e PDK-së në Gjilan.
Rastin për Front Online e ka konfirmuar, zëdhënësi i policisë për rajonin e Gjilanit, Ismet Hashani.
Vdekjen e viktimës e ka konfirmuar mjeku kujdestar.
Rrethanat se si ka ndodhë rasti ende nuk dihen, ku me vendim të prokurorit trupi i pajetë është dërguar në IML.
“Vdekje e dyshimtë” Sot me 21 korrik 21 rreth orës 03:50 të mëngjesit, Policia e Kosovës në Gjilan ka pranuar informatën se në rrugën “Raif Halimi “, në pjesën e pasme të njërës nga ndërtesat në këtë rrugë është vërejt një trup i personit të gjinisë femërore. Njësitet policore nga stacioni policor i Gjilanit me urgjencë kanë dalë në vendin e ngjarjes. Më pas nga familjarët është identifikuar se bëhet fjalë për A. N. (1977) femër shtetase e Kosovës, që ishte duke banu në katin e pestë të ndërtesës në këtë rrugë. Dyshimet fillestare janë se e njëjta ka rënë nga ballkoni i banesës së saj ku ishte duke jetuar. Në vendngjarje ka prezantuar shërbimi Emergjent (ndihma e parë ) ku nga mjeku kujdestar i kësaj njësie është konstatuar vdekja . Në vendngjarje ka prezantuar prokurori i shtetit për “Krime të Rënda”, njësitet e hetimeve dhe forenzikës rajonale . Prokurorin i shtetit ka urdhëruar që trupi i pa jetë dërgohet në Institutin e Mjekësisë Ligjore – Prishtinë. Rrethanat dhe motivet se si ka ndodhë ky rast i rëndë ende nuk dihen. Rasti për momentin është cilsuar si “Vdekje e dyshjmt” dhe hetimet e mëtejme janë duke i udhëheq Policia e Kosovës njësitet e hetimeve Rajonale në kordinim me Prokurorin e shtetit”, tha Hashani për Front Online.
