Policia e Kosovës gjatë ditës së djeshme duket se ishte goxha e zënë në Prishtinë.
Vetëm dje në kryeqytet në katër lokacione të ndryshme policët konfiskuan 4 armë – prej të cilave tri pistoleta dhe një thikë.
Si rezultat, njësitet e rendit, arrestuan 4 persona.
Për këtë, njoftoi vetë ky institutcion, përmes raportit të saj 24 orësh.
ARMËMBAJTJE PA LEJE
· Prishtinë 13.07.2021 – 02:10. Janë arrestuar dy të dyshuar meshkuj kosovarë, pasi që gjatë kontrollit te njëri prej tyre është gjetur dhe sekuestruar një thikë. Me vendim të prokurorit të njëjtit pas intervistimit janë liruar në procedurë të rregullte.
· Prishtinë 13.07.2021 – 07:45. Është raportuar se njësiti policor në shtëpinë e dëshmitares femër kosovare ka sekuestruar një pistoletë me 8 copë fishek të cilën armë ajo e kishte gjetur duke pastruar shtëpinë . Sipas dëshmitares arma ka mundë të jetë e ish bashkëshortit të saj i cili kishte vdekur para tri viteve.
· Çagllavicë 13.07.2021-20:30. Është raportuar se gjatë kontrollit në automjetin e të dyshuarit mashkull kosovar i është gjetur dhe sekuestruar një pistoletë me tre copë fishekë. Me vendim të prokurorit rasti vazhdon në procedurë të rregullte.
ARMËMBAJTJE PA LEJE & SULM
Prishtinë 12.07.2021 – 22:00. Me datë 13.07.2021 është arrestuar i dyshuari mashkull kosovar pasi që i njëjti pas një mosmarrëveshje i kishte kanosur me një armë zjarri dy viktimat meshkuj kosovarë. Në lidhje me rastin është konsultuar prokurori i shtetit me vendim të së cilit i dyshuari pas intervistimit është dërguar në mbajtje.
