Policia e Kosovës në raportin e saj të rregullt, këtë të enjte bëri të ditur se në Novobërdë u tentua të vritej një shtetas gjerman.
Nënkryetari i Novobërdës, Bajrush Ymeri, ka treguar se shtetasi gjerman që dyshohet se u bë atentat ndaj tij është ish pjesëtarë i Ushtrisë Çlirimtare të Kosovës, por që ka dyshime se mund të jetë rast i inskenuar nga vet gjermani, shkruan Gazeta Infokus.
“Sipas informacioneve që kam në fshatin Llabjan është një shtetas gjerman me emrin Hans dhe është i martuar me një grua shqiptare nga Llabjani. Hansi ka qenë pjesëtar i UÇK-së ndërsa tani është pjesëtar i FSK-së. Dje në orën 6:30 të mëngjesit duke shkuar në punë në Parallovë, ai i ka thënë policisë se e ka gjuajt dikush me armë nga jashtë, por rastin nuk e ka lajmëruar deri në orën 16:00 pasdite, prandaj sipas Huruglicës ngjallen dyshime, sepse nuk po përkon me realitetin ajo që e ka thënë ai dhe vendi i ngjarjes.”, tha nënkryetari i Novobërdës, Bajrush Ymeri./FrontOnline