Një vjedhje e rëndë ka ndodhur pasditen e së dielës në qendër të Skenderajt, transmeton FrontOnline.

Një person ka raportuar në polici se persona të panjohur kanë depërtuar brenda në shtëpinë e tij prej ku kanë marrë gjëra me vlerë dhe një armë me leje.

Njësitë policore kanë dalë në vendin e ngjarjes dhe kanë nisur hetimet.

Skenderaj 28/30.05.2021-06:00-17:00. “Ankuesi mashkull kosovar ka raportuar se person-a të panjohur me forcë kanë depërtuar në brendinë e shtëpisë së tij dhe nga  aty kanë vjedhur:  një pistoletë me leje përkatëse, 150 copë fishekë,  një sasi stoli ari dhe 500 € kesh para Rasti vazhdon të hetohet”, thuhet në raportin e policisë./FrontOnline