Policia e Kosovës ka bërë të ditur se ka arrestuar një femër në Fushë Kosovë, derisa, dyshimet e para janë se ajo e ka mbytur motrën e saj.

Policia në raportin 24-orësh ka bërë të ditur se në fshatin Vragoli të Fushë Kosovës e kanë arrestuar të dyshuarën pasi që është gjetur pa shenja jetë motra e saj.

E dyshuara është dërguar në mbajtje.

“Fsh. Vragoli, Fushë Kosovë 09.05.2021 – 11:50. Raportohet se është gjetur pa shenja jete viktima femër kosovare. Lidhur me rastin është arrestuar e dyshuara femër kosovare dhe me vendim të prokurorit është dërguar në mbajtje”, bëri të ditur policia.

Lidhur me rastin është deklaruar edhe dje Policia e Kosovës, e cila në bazë të informacioneve të para ka thënë se bëhet fjalë për vdekje të dhunshme.