Gjermania ka hequr Shqipërinë nga lista e vendeve me rrezik, pas përmirësimit të situata epidemiologjike, sipas një raporti të institutit ”Robert Koch”
Në njoftimin e këtij instituti thuhet se Shqipëria nuk konsiderohet më si zonë me rrezik, raporton ATSh.
”Rajonet që nuk konsiderohen më si zona me rrezik janë Shqipëria, Finlanda, Malta dhe rajoni norvegjez i Rogalandit’, thuhet në raport.
”Rajoni portugez i Algarve, Britania e Madhe, Irlanda e Veriut dhe ishujt Falkland po ashtu nuk konsiderohen më si zona rreziku”, shton raporti i institutit gjerman ”Robert Koch”.
