Nivine Jay postoi një video në llogarinë e saj në TikTok,  duke shpjeguar se si ajo dhe aktori i famshëm Ben Affleck u takuan në një aplikacion elitar takimesh të quajtur ‘Raya’.

“Mbaj mend kur Ben dhe unë filluam të korrespondonim dhe në fillim mendova se dikush po paraqitej në mënyrë të rreme nën emrin e tij kështu që unë e refuzova atë”, shkroi Nivine Jay në një video që postoi në TikTok. Së pari ajo mendoi se ishte një profil i rremë dhe kjo është arsyeja pse e refuzoi aktorin.

“Ai më dërgoi një video në Instagram menjëherë pas kësaj, e cila më la në shok”, shtoi Nivine. Fituesi dy herë i Oskarit i bëri një video vajzës tërheqëse për të provuar se ajo korrespondonte me të. “Nivine, pse më refuzove? Ky jam unë! tha ai në një video të shkurtër dhe qeshi./FrontOnline/