Sapo prezantoi modelin Q4 e-tron (përfshirë Q4 e-tron Sportback) disa ditë më parë, Audi ka përgatitur një makinë të re e-tron.

Më saktësisht, është një koncept i ri elektrik A6 e-tron që do të ketë premierën së shpejti në panairin në Shanghai. Deri atëherë, kemi një set të fotografive të para zyrtare.

Audi do të njoftojë më shumë detaje rreth këtij koncepti në ditët në vijim (19 prill), ndërsa modeli serik pritet të dalë në treg gjatë vitit 2023.

Është një nga 20 modelet e reja që Audi do të nisë deri në vitin 2025, me serinë A6 e-tron duke u bazuar në platformën e re PPE (Premium Platform Electric) që Audi po zhvillon së bashku me Porsche.

Në rang, pritet një version me një motor elektrik dhe me tërheqje me rrota të pasme, si dhe një variant më i fuqishëm me dy motorë elektrikë dhe me tërheqje me të gjitha rrotat.

Ndërsa siç qëndrojnë gjërat tani, autonomia me një karikim të vetëm të baterisë do të jetë më shumë se 300 milje (483 km)./FrontOnline/