Në komunën e Prizrenit, sot ka nisur largimi i zyrave të partive politike që janë të vendosura në pronat e komunës.
Ky larim është kundërshtuar nga kryetarët e degëve të partive politike.
Kryetari i PDK-së në Prizren, Shaqir Totaj e ka quajtur sjellje arrogante këtë vendim të kryetarit Mytaher Haskuka për largimin e partive politike nga zyrat e tyre.
“Po jetojmë në kohëra të çuditshme. Kohë më parë kemi marrë një vendim nga z.Haskuka. Aspektin juridik nuk e kontestojmë. Do të respektojmë legjislacionin. Nga ana tjetër një sjellje e tillë ku kryetari Haskuka nuk na pranon në takim fare, tregon se kemi të bëjmë me një qasje injorante ku për pasojë të gjitha partitë politike do të largohen nga zyrat e tash kur jemi në kohë pandemie”, tha Totaj.
Ai shtoi se kanë bërë ankesë dhe se po presin epilogun e kësaj ankese.