Njësitet policore në rajonin e Ferizajt në bashkëpunim me inspektorët komunal janë duke vazhduar angazhimin e tyre në kuadër të kontrolleve sa i përket respektimit të masave antiCOVID.
Nga Policia e Kosovës është bërë e ditur se masat e marra së fundi nga Qeveria e Kosovës janë duke u respektuar nga shumica e qytetarëve, por që kanë hasur edhe në persona të cilët nuk i kanë përfillur të njëjtat dhe nga ana e zyrtarëve policorë gjatë kësaj kohe janë shqiptuar 767 tiketa.
Përpos kësaj, në bazë të masave të parapara me ligjin 07/L-006, janë mbyllur pesë lokale, si dhe janë dhënë 212 vërejtje policore.
“Apelojmë tek qytetarët që ti respektojnë masat e parapara ligjore me qëllim të ruajtjes së shëndetit të tyre dhe familjarëve të tyre.Policia e Kosovës do të vazhdoj me përmbushjen e detyrave të saj dhe në çdo kohë dhe çdo vend ku do të hasen personat të cilët nuk i respektojnë masat, ndaj tyre do të veprohet sipas ligjit në fuqi”, thuhet tutje në njoftim.