Disa persona të panjohur mëngjesin e djeshëm janë futur me forcë në objektin e Muzeut të Muzikës në Gjakovë.
Policia e Kosovës ka raportuar se të dyshuarit kanë rrëzuar të gjitha gjësendet të cilat kanë qenë të vendosura në dollape.
Në vendin e ngjarjes kanë dalë njësitet policore, të cilat janë duke e hetuar rastin.
“Gjakovë 12.04.2021 – 08:40. Është raportuar se nga persona të panjohur me përdorim force ishte hapë dera e Muzeut të Muzikës, ndërsa gjërat që kishin qenë brenda në dollapët e objektit ishin zhvendosë dhe rrëzuar në tokë, si dhe ishin thyer disa xhama të objektit. Në vendin e ngjarjes kanë dalë njësitë policore dhe janë duke e hetuar rastin”, shkruan PK./Front Online