Modeli luksoz i shumëpritur Citroen, i cili u shpall si pasardhësi i C5 dikur i njohur, sapo ka debutuar me emrin C5X, dhe është një kombinim interesant i një sedan luksoz dhe një coupe crossover.
Pas disa muajsh njoftimesh, “ngacmimesh” dhe informacionesh, modeli i ri Citroen C5X debutoi më në fund, në formën e një kombinimi interesant të një sedan dhe një coupe crossover, me të ashtuquajturën “Shooting Brake Design” të pjesës së pasme të automjetit, që i ngjan modeleve karvan.
Po, tingëllon pak konfuze, në një mënyrë tipike franceze, por duhet pranuar që duket tërheqëse dhe goditëse, ose më mirë, jo i parë deri tani në tregun e automjeteve të kësaj klase. Pikërisht kësaj i referohet “X” në emër – kryqëzimi “stilues” që pasuroi konceptin klasik të sedan C5.
Disa elementë të automjetit janë të frymëzuar nga koncepti radikal CXperience, i treguar në 2016, ndërsa pjesët e tjera të trupit janë një evolucion logjik i dizajnit të mëparshëm, i parë në modelet aktuale serike të Citroen, por edhe marka luksoze DS. Makina është e gjatë 4805 milimetra, e lartë më pak se 1.5 metra (1485 mm) dhe me një gjerësi mes rrotave prej 2785 mm, e cila premton komoditet të mjaftueshëm për pasagjerët e sediljes së pasme.
Përveç kësaj, ekziston një hapësirë për bagazh prej 545 litrash. Citroen C5X ka debutuar në një version plug-in hibrid me 225 kuaj fuqi – 1.6 turbo benzinë dhe motor elektrik, duke siguruar autonomi në modalitetin e pastër elektrik prej rreth 50 kilometrash, me një shpejtësi rruge deri në 130 km/h. Ekziston edhe një sistem pezullimi me tre mënyra të ndryshme funksionimi (nivelet e fortësisë). Brendësia përmban një sistem krejtësisht të ri të informacionit dhe argëtimit me një ekran 12 inç, i cili mbështet komandat zanore, dhe ekziston gjithashtu mundësia e personalizimit të ekranit bazë, të modeluar në pajisjet tablet.
Përveç informacionit të lartpërmendur, C5X është i pajisur edhe me një ekran ‘head up’. Tani për tani, informacioni mbi njësitë e tjera të motorëve, por edhe çmimet, është i panjohur, por pritet që modeli bazë, i cili pritet në treg në fund të këtij viti, të fillojë me rreth 30,000 euro./FrontOnline/
