Në Kosovë kanë ardhur 24 mijë dozat e para të vaksinës anti-Covid përmes COVAX-it.
Të parët që u vaksinuan ishin personeli shëndetësor.
Vaksinimi është duke vazhduar me personat mbi moshën 85 vjeç.
Prej 24 mijë dozave të vaksinave, deri tani numri i atyre që është vaksinuar ka arritur në 9 mijë e 388 doza.
“Deri në mesditën e sotme janë dhënë 9388 doza të vaksinës Astra Zeneca, te profesionistët shëndetësor dhe të moshuarit mbi 80 vjeç. Gjysma janë për stafin shëndetësor dhe gjysma për personat mbi 80 vjeç”, thuhet në përgjigjen e Ministrisë së Shëndetësisë për Front Online.
Nga Ministria kanë thënë se Prishtina prin me numrin e të vaksinuarve, ndërsa e dyta Peja.
“Përtej Prishtinës që ka vaksinuar më shumë, Peja është komuna e dytë me numrin e të vaksinuarve”, thuhet më tej në përgjigjen e MSH-së për Front Online.
Në dispozicion për qytetarët kanë mbetur edhe 14, 612 vaksina të Astra Zenecas.
Kosovës në dy muajt e ardhshëm pritet t’i vijnë edhe një sasi e vaksinave.
Vaksinimi kundër Covid-19 në Kosovë ka nisur me 29 mars të këtij vitit./Front Online/