Kryeministri Albin Kurti, ministra të kabinetit të tij, por edhe deputetë të partisë së tij, janë angazhuar në përkrahjen e kandidatëve për deputetë të Lëvizjes “Vetëvendosje” në Shqipëri, të cilët po garojnë për zgjedhjet e 25 prillit, përderisa kanë lënë anash premtimet se do të merren me pandeminë COVID-19, sigurimin e vaksinave dhe çështjet ekonomike dhe sociale në Kosovë.
Për veprimet të tilla po kritikohen ashpër nga opozita, por edhe nga përfaqësues të shoqërisë civile në vend, raporton portali Front Online.
Qeveria “Kurti 2” është votuar në Kuvend më 22 mars 2021 dhe që nga ajo kohë, përkatësisht për 20 ditë qeverisje, 212 qytetarë të Kosovës kanë humbur betejën me COVID-19, përderisa janë konfiormuar rreth 15 mijë raste të infektuar.
Në anën tjetër, Kosova është vendi me më pak vaksina të siguruara kundër COVID-19 në Evropë. Deri më tani në vend kanë arritur vetëm 24 mijë doza të vaksinave kundër COVID-19, me të cilat po vaksinohen stafi mjekësor dhe qytetarët që kanë mbi 80 vjeç.
/Front Online/