Genc Nimoni, Shefi i kabinetit të ministres së Drejtësisë, Albulena Haxhiu, ka treguar për dy proceset më të rëndësishme që do ta reformojnë sistemin e drejtësisë; Vettingu dhe Rishikimi Funksional.
Genc Nimoni, përmes një postimi në Facebook ka bërë të ditur se tashmë procesi i Vettingut në Ministrinë e Drejtësisë ka filluar.
“Vetingu: Tashmë në Ministrinë e Drejtësisë, ka filluar puna për vetingun. Së shpejti pritet edhe formalizimi me vendim i grupit punues brenda MD, i cili grup do ta konsiderojë edhe kontributin e ekspertëve nga jashtë për kompletimin e bazës legjislative që do t’i hapë rrugë vettingut”, ka shkruar Nimoni.
Po ashtu, ai ka treguar edhe për procesin e Rishikimit Funksional ku janë intensifikuar punën e mbi 300 komentev ku synon miratimin e Strategjisë së Rishikimit Funksional për Sundimin e Ligjit
“Rishikimi Funksional – si një iniciativë reformuese e sektorit të sundimit të ligjit, ka intensifikuar punën në adresimin e mbi 300 komenteve dhe synon miratimin sa më të shpejtë të Strategjisë së Rishikimit Funksional për Sundimin e Ligjit. Miratimi i strategjisë, do t’i hapë rrugë reformimit dhe efikasiteti të institucioneve në sektorin e sundimit të ligjit”, ka thënë Nimoni./Front Online
https://www.facebook.com/genc.nimoni.1/posts/10225607371477482
