Ministri i Shëndetësisë, Arben Vitia në një konferencë për media ka thënë se vaksinimi i një pjesës të personelit shëndetësor ka mbaruar dhe sot kanë filluar vaksinimin me personat e moshës mbi 85 vjeç.
“Një nga lajmet e mira që mora është që ekipi i mjekësisë urgjence nuk e kishin pas asnjë intervenim sepse nuk kanë pasur nevojë. Kjo për shkak se askush nuk ka pasë ndonjë efekt anësor. Vaksina është e sigurt dhe i ftoj të gjithë që të vaksinohen”, ka thënë ai, shkruan Front Online.
Ai ka treguar se do të ketë edhe ekipe mobile për të shkuar në shtëpi që të vaksinojnë ata persona që nuk mund të vijnë për vaksinim.
Vita ka kërkuar nga qytetaret që ti respektojnë masat.
Kurse, ka folur edhe rreth asaj se kur pritet të vijë kontigjenti i dytë i vaksinave.
“Kontigjenti i dytë i këtij grupi pritet të vijë nga fundi i prillit ose fillimi i majit. Këto janë fjalët që kemi nga mekanizmi Covax. Kështu që besoj jemi në kohë”, ka deklaruar Vitia.
Vitia ka thënë që kanë kërkuar nga të gjithë miqtë që të ndihmojnë dhe po presin përgjigje, duke shuar se s’kanë ende asnjë përgjigje konkrete.
“Kurse sa i përket negocimit të kompanive prodhuese për shkak të një deklarate që e kemi për obligim ta nënshkruajmë nuk mund të japim më shumë informacione”, ka deklaruar ai./Front Online/
Kosovës pritet t’i arrijnë edhe 33600 doza të vaksinave kundër COVID-19