Ish-deputetja e Aleancës për Ardhmërinë e Kosovës, Donika Kadaj-Bujupi, pritet të jetë pjesë e Qeverisë “Kurti 2”, raporton Front Online.
Sipas burimeve të Front Online brenda Qeverisë, Kadaj-Bujupi do të jetë zv.ministre në një nga Ministritë e Qeverisë “Kurti 2”, si pjesë e Listës “Guxo” të Vjosa Osmanit.
“Donika Kadaj do të jetë pjesë e kësaj Qeverie nga Lista “Guxo”, ajo do të jetë zv. ministre në një Ministri”, ka thënë ky burim i Front Online.
Front Online ka provuar disa herë të marrë një qëndrim nga Kadaj-Bujupi, por ajo nuk i është përgjigjur interesimit të portalit.
Ndërkaq nga zyra e Donika Gërvallës e cila është në krye të Listës “Guxo” e kanë mohuar këtë lajm.
Donika Kadaj-Bujupi në këto zgjedhje nuk ka kandiduar për deputete. Ajo pak para zgjedhjeve është larguar nga AAK-ja pas mospajtimeve që janë shfaqur me këtë parti nga momenti që ajo derisa ishte pjesë e kësaj partie nuk e votoi Qeverinë “Hoti”.
Kadaj-Bujupi më herët nga AAK-ja kishte kaluar në Vetëvendosje për t’u rikthyer më pas sërish në AAK./Front Online/