Kryeministri i Kosovës, Albin Kurti, ka emëruar sot një zëvendësministër në Ministrinë e Punëve të Jashtme dhe Diasporë.
Front Online mëson se bëhet fjalë për Kreshnik Ahmetin.
“Po është Kreshnik Ahmeti. Sot ka filluar punën në ministri”, ka thënë kuy burim për Front Online.
Ahmeti tani është përgjegjës për menaxhimin e aktiviteteve në fushat e përcaktuara nga ministrja Donika Gërvalla, si dhe duhet ta zëvendësojë atë kur ajo mungon, ose kur nuk është në gjendje ta kryejë detyrën e saj.
Kreshnik Ahmeti ka ushtruar funksionin e shefit të kabinetit të ish-ministrit të kësaj ministrie, Glauk Konjufcës, në Qeverinë Kurti 1.
Ky është zëvendësministri i 19-të që është emëruar deri më tani në qeverinë e re të udhëhequr nga Kurti./Front Online/