Shtëpia më e madhe e futbollit botëror, FIFA e ka publikuar renditjen e shteteve pas ndeshjeve të zhvilluara në muajin mars.

Përfaqësuesja e Kosovës ka zhvilluar tri ndeshje në muajin që lamë pas, raporton FrontOnline.

Fillimisht, “Dardanët” e fituan miqësoren ndaj Lituanisë 4:0, e më pas humbën nga Suedia 0:4 dhe nga Spanja 3:1.

Pas këtyre rezultateve, Kosova ka rënë për tri pozita në ranglistën e FIFA-së.

Nga pozita e 117-të, Kosova tani ndodhet në pozitën e 120-të me 1151.73 pikë të tubuara.

Nga ana tjetër, Kombëtarja e Shqipërisë i ka zhvilluar tri ndeshje në muajin mars.

Kuqezinjtë kanë fituar 0:1 ndaj Andorrës si dhe 2:0 ndaj San Marinos, teksa janë mposhtur 0:2 nga Anglia.

Me këto rezultate, Shqipëria nuk ka ndryshuar pozicion, derisa mbetet në vendin e 66-të me 1362.09 pikë të tubuara./FrontOnline/