Komisioni Disiplinor në kuadër të Federatës së Futbollit e Kosovës në krye me kryetarin Met Çeku ka marrë disa vendime në mbledhjen e mbajtur së fundmi.

Ndër vendimet e fundit kanë të bëjnë edhe me zyrtarë të klubeve të Superligës së Kosovës, shkruan FrontOnline.

Kryetari i Trepçës ’89, Abedin Zeka është në procedurë disiplinore për shkak të akuzave ndaj drejtuesve të FFK-së të dhëna një emision televiziv.

Edhe kryetari i Ballkanit, Arsim Kabashi është në procedurë disiplinore për shkak se ofendoi dhe kërcënoi gjyqtarët e ndeshjes Ballkani – Prishtina.

Trajneri i Gjilanit, Ismet Munishi poashtu është në procedurë disiplinore pas një deklarate që ka të bëjë me ndeshjen Prishtina – Gjilani.

Për fund, zyrtari i Trepçës ’89, Arsim Islami është pezulluar pa të drejte ushtrimi në çdo funksion të klubit pasi ofendoi gjyqtarët e ndeshjes Drenica – Trepça ’89.

Vendimet e plota i gjeni më poshtë:

“Hapje e procedurës disiplinore:
Ndaj kryetarit të KF Trepça’89, Abedin Zeka, për shkak se në emisionin sportiv të TV Dukagjini (Dueli Sportiv) me 04.04.2021 akuzon rëndë organet e FFK-së pa fakte, që është në kundërshtim me Kodin e etikës sportive. Bazuar në nenin 32 paragrafi 1 të Rregullores disiplinore;
Kërkohet deklaratë nga kryetari i KF Trepça’89, Abedin Zeka
Deri më datë: 12.04.2021.

Ndaj kryetarit KF Ballkani, Arsim Kabashi me numër ID 009626M85. Pas përfundimit të ndeshjes ndërmjet KF Ballkani – FC Prishtina, e zhvilluar me datë: 04.04.2021, në ambientet zyrtare të stadiumit i ofendon dhe i kërcënon gjyqtarët e ndeshjes. Bazuar në nenin 32 paragrafi 1 të Rregullores disiplinore.
Kërkohet deklaratë nga kryetari i KF Ballkani, Arsim Kabashi
Deri më datë: 12.04.2021.

Ndaj kryetrajnerit të SC Gjilani, Ismet Munishi me numër të ID 009766M74, pasi në emisionin sportiv të ATV-së me 04.04.2021 deklaron se në ndeshjen FC Prishtina – SC Gjilani java e 26-të, FC Prishtina në favor të vetin kishte gjyqtarët si (lojtarin e 12-të) dhe ndikuan në rezultatin përfundimtar të ndeshjes si dhe prejudikon sipas teorive të tij se kush do të bëhet kampion duke thyer Kodin e etikës sportive. Bazuar në nenin 32 paragrafi 1 të Rregullores disiplinore.
Kërkohet deklaratë nga kryetrajneri i SC Gjilani, Ismet Munishi.
Deri më datë:12.04.2021.

Ndaj zyrtarit të KF “Trepca’89”, Arsim Islami me numër ID 009898M75 në minutën e 77-të ndëshkohet me karton të kuq sepse me tone të larta ofendon gjyqtarët e ndeshjes KF Drenica – KF Trepca’89, ku edhe pas përfundimit të ndeshjes kishte vazhduar me sharje ndaj gjyqtarëve. Bazuar në nenin 32 paragrafi 1 të Rregullores disiplinore pezullohet pa të drejt ushtrimi të çdo funksioni në klub.
Kërkohet deklaratë nga zyrtari në procedurë disiplinore.
Deri më datë: 12.04.2021“./FrontOnline/