Kryendeshja e sontme padyshim se u zhvillua në stadiumin “Alfredo di Stefano” në Madrid, shkruan FrontOnline.
Real Madridi ka regjistruar fitore të rëndësishme përballë Liverpoolit me rezultat 3:1 në kuadër të fazës çerekfinale të Ligës së Kampionëve.
Dygolëshi i Viniciusit (’27,’65) dhe goli i Marco Asensios (’36) ia dhuruan fitoren sonte madrilenëve.
Pas ndeshjes, trajneri i Liverpoolit, Jurgen Klopp ka pranuar se skuadra e tij nuk e meritoi fitoren sonte.
“Ne nuk e merituam fitoren dhe nuk kemi luajtur aspak mirë”, ka thënë Klopp.
“Kjo është gjëja e parë që shqetësohem, ne nuk ishim aspak të mirë sonte”, shtoi trajneri gjerman./FrontOnline/
